El réxime d’Erdogan sigue afondando na so deriva fascista

La Gran Asamblea Nacional de Turquía aprobó, el 20 del pasáu mes de xunetu, una llei que prohibe a los sos parllamentarios l’emplegar pallabres como «xenocidiu armeniu» (desendolcau ente 1915 y 1923, y con dos millones de muertos), «Kurdistán» y «rexones curdes», por considerar el so usu un insultu a la supuesta gloriosa hestoria turca.

Los parllamentarios qu’usen eses pallabres van ser multaos con 12.000 llires turques (3000 euros) y van ser vetaos de participar en trés sesiones de l’asamblea llexislativa.

El llevar cartelos criticando la llei o al gubernamental Partíu pa la Xusticia y el Desendolcu (AKP), tamién va ser motivu de sanción.

This work is licensed under a Creative Commons Attribution 4.0 International License.