Perceptores del salariu social denuncien menacies

  • 1 Agosto, 2017

Garrar coses de la basoria o nun se presentar a cites pa les que nun recibieron notificación son dalgunos de los motivos polos que dellos ciudadanos van recibiendo -falsu- avisu de pérdida del S.S

Les protestes aporten de dellos conceyos d’Asturies (Xixón, Mieres, Avilés…) pero los afeutaos prefieren caltenese nel anonimatu: tienen medrana de perder el so escasu mediu de vida.

Les menacies vienen na mayoría de los casos de les propies asistentes sociales, qu’alvierten de pallabra a los perceptores de salariu social de que tan en peligru de perdelu por cuestiones variaes, que van dende tomar un café nuna cafetería, nun sellar el paru a tiempu o garrar coses de la basoria. Tamién se da’l casu d’apercibimientos escritos a persones que nun acudieron a cites cola asistencia, seique pudieron demostrar que la citación nunca se recibió y sigue, ensin entregar, na empresa de repartu de correos.

Malque nun tengan posterior repercusión real, estos falsos avisos producen una innecesaria situación d’estres en presones que ya tan pasando por una situación difícil, llegando nel casu de M.F.P. a tener que ser atendía mélicamente tres d’una d’estes menacies.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies