• Portada
  • >
  • Opinión
  • >
  • Horros cayendo y flamenco nel Cabu Peñes: cuestión d’autoestima

Horros cayendo y flamenco nel Cabu Peñes: cuestión d’autoestima

  • 31 Xunetu, 2017

 

Llucía F. Marqués

En Buyeres, Nava, cai un horru –otru- nel que la so cadarma, puesta al aire nes llaceries de la so fin, amuesa la so antigüedá. Entantu, nel faru Peñes (Gozón), planien un Tour flamencu. Radiografía en dos llinies d’un país faltu d’autoestima

Nun teo nidio  quien recomendó a Las Minas Flamenco Tour el Faru de Peñes como primer parada del “Festival del Cante de las Minas”, compartiendo camín con puertos de cultura tan ayena a la de nueso como’l de Chipiona (Cádiz), el del Tinglado 1 del Puerto (Tarragona) o el de Motril (Granada), pero foi ensin dubia daquién cien por cien ignorante de la cultura asturiana; nada d’estrañar, teniendo en cuenta los pilancos qu’alcuentra siempres lo de nueso y les facilidaes que se da a lo foriato.

Los organizaores d’esta xira “Faro” aporfien en “xunir el baile flamencu y la cultura portuaria”. Igual precisaben un mapa, porque ta nidio que falen de la cultura Mediterránea, ayena por completu al nuesu país xeográfica, hestórica y culturalmente; nun habrá nesti casu representantes del Arcu Atlánticu, el mar col que compartimos cultura portuaria.

¿Habrá daqué más surrealista qu’un cantaor de flamenco nel Cabu Peñes? ¿una Banda Gaites  nel Rocio?. Non,  yo dirévos daqué más surrealista. Dexar cayer costruciones centenaries úniques nel mundiu por pura desidia.

L’exemplar d’horru que vien de cayer en Buyeres tenía munchos años, “como preba que les esquines de la caxa o cámara –los engüelgos– yeren d’una sola pieza de madera y que la división interna de la mesma taba fecha con tabiques de sardera.” (información apurrida por Memoria Encesa). Nun ye l’únicu, un  paséu per Asturies ufre’l desolador panorama de decenes d’horros y paneres cayendo, ante la indiferencia de propietarios y autoridaes. Torgues alministratives, cargos, falta de sofitu, abandonu… un pasu más nel bien planificáu camín de desaniciar tolo que seya identitario n’Asturies.

¿Y  los asturianos? A veles venir al compás del flamencu, ensin aparase a camentar que cada cosa tien el so llugar y que p’apreciar lo de fuera, primero hai que querese a ún mesmu.

This work is licensed under a Creative Commons Attribution 4.0 International License.

1 Comment Already

  1. “cuya” nun ye asturiano. En cuentes de “miseries” talvez “lhaceries” concasara meyor, pero esto cabeiro ye mas una question stilística. Saludinos.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies