Acusa n’internet a cazadores y ganaderos de matar llobos de manera illegal y a estos caberos de práctiques fraudulentes pa cobrar falsos daños
Según el videu xubíu a youtube por Xurde Gayol , axente mediuambental, los llobos sacrificaos son enforma más que los que recueye’l yá abondosu cómputu oficial, yá que “Per un llau, mata l’Alministración un montón de llobos; per otru llau, maten los cazadores, illegalmente y eso nun ta computáu, solo figuren los que mata l’Alministración».
En rellación a los ataques de llobu al ganáu, señala qu’hai muncha picaresca nel cobru d’indemnizaciones “Munchos animales nun son mataos pol llobu, potros que morrieron nel partu, que nun mamen, que s’espeñen, animales que maten los rayos, enfermedaes, parásitos… Y los ganaderos, intenten meter eso como ataque de llobu.” Pero lo que más polémica xeneró ye la denuncia d’una práctica al paecer abondo estendida: la compra de potros fora d’Asturies a baxu costu p’abandonalos desarimaos nel monte y cobrar dempués por ellos abondoses indemnizaciones. Una variante d’esta estafa ye la de soltar asturcones estratéxicamente pa que seyan atacaos; al ser l’asturcón una raza protexida, les indemnizaciones son entá más importantes.
Finalmente, Gayol denuncia qu’estes práctiques son ben conocíes, ensin que naide les denuncie públicamente, nin l’Alministración, nin los sindicatos, nin los ganaderos. El motivu ta nidiu: desque colgó’l so videu en youtube desatapando estes aiciones, yá recibió una denuncia de la Fundación Artemisan (cazadores) y el so puestu de trabayu podría tar en peligru, precisamente por cumplir coles sos obligaciones, siendo menaciáu cola apertura d’un espediente.
Llucía F. Marqués
Este guarda debiera responder en un juzgado con pruebas de lo que dice… aquí sale gratuito a cualquier comediante el difamar al sector,pero viendo la caseta se ve el perro.
Publié par Pastores de los picos de Europa sur mercredi 12 juillet 2017
This work is licensed under a Creative Commons Attribution 4.0 International License.
