Les families asturianes piden xacíu a la de pidir material escolar

  • 26 Xullo, 2017

Tantu l’Asociación de Families Numberoses d’Asturies como delles Asociaciones de pas y mas de distintos colexos pidieron a los cientros educativos que piensen nes economíes familiares al faer les llistes de llibros y materiales pa los próximos cursos

L’Asociación de Families Numberoses lleva munchos años reclamando que se cumpla la costitución, que nel so artículu 27 reconoz la gratuidá de la educación, daqué malo de conciliar col escomanáu gastu al que, añu tres d’añu, s’enfrenten les families al entamar el cursu. Amás, el nuevu sistema de beques, que dende va trés años sustitúi’l dineru para material  escolar por un llote de llibros nuevos o de segunda mano- que’l colexu apurre y que se deben devolver a final  de cursu convirtió les beques escolares nuna torga a la de participar nos tradicionales programes d’intercambios de llibros.

Una de les opciones defendíes pa aselar esti problema son los llibros dixitales actualizables, colos que “amás de menguar notablemente los costos dexaría modernizar los procesos d’aprendizaxe y probablemente caltener meyor l’atención de los escolinos”

Evitar los llibros de testu con “caducidá de cursu”, que torga en  munchos casos l’heredar los llibros d’un añu pa otru, obligando a les families a un gastu escomanáu mientres les papeleres s’enllenen de los llibros del añu anterior, con prácticamente’l mesmu conteníu, ye una de les demandes de les families. Los llibros que se vienden de manera indixebrable con cuadiernos d’exercicios, de manera que ye imprescindible mercar el llote para tener los cuaderninos, anque yá se tenga’l llibru de testu, ye otru de los productos a evitar.

Finalmente, delles AMPAS manifestáronse a favor de que los materiales escolares vaigan pidiéndose pasu ente pasu, y non de golpe a entamos del cursu, cuando resulta difícil prever que cada neñu vaiga a precisar –casu real pa primeru de primaria- diez llapiceros, cinco barres de pegamentu, quince llibretes variaes y quinientos folios, pente otres munches coses.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies