Contra los 46 pilotos italianos que bombardearon la ciudá na Guerra Civil española

Unos ochenta años dempués de los bombardeos qu’afararon Vizcaya, Santander y Asturies, que se convirtieron en campu d’esperimentación para les nueva técniques de guerra qu’aplicaron los estaos fascistes mientres la II Guerra Mundial, un ayuntamientu, el de Durango, decidió presentar el pasáu 18 de xunetu una primer querella nos tribunales por delitos de lesa humanidá y crímenes de guerra.

El 31 de marzu de 1937 trés bombarderos Savoia 81 de la Aviazione Lexonaria italiana descargaron un total de 14.840 quilos d’esplosivu nesta llocalidá vasca. Nesta acción militar realizada contra población civil finaron 336 persones y amburaron unes 304 cases, ente elles delles ilesies y conventos.

Tres el bombardéu, unos nueve caces que facíen d’escolta a los bombarderos entraron n’acción y ametrallaron a la población.

This work is licensed under a Creative Commons Attribution 4.0 International License.