Arramaos de combustible na ría d’Avilés

  • 20 Xunetu, 2017

El Coleutivu Ecoloxista d’Avilés denunció   énte’l Principáu un nuevu arramáu de combustible apreciáu ayeri na ría d’Avilés

Los arramaos, tanto d’orixe industrial como de combustibles, son avezaos na ría avilesina, ensin que naide asuma les responsabilidaes correspondientes. Mientres los culpables de los continuos episodios contaminantes permanecen impunes, les autoridaes llindense a retrucar que nun son quienes a identificar a los responsables d’estos continuos incumplimientos de les normatives ambientales.

Nesta ocasión el llurdiu d’aceite, de grandes proporciones, pudo apreciase nidiamente dende la sablera de San Balandrán, na llocalidá de Zeluán.

Los vertíos, avezaos nesti calce, son un grave problema ambiental, qu’incumple toles normativa vixentes. De fechu, la normativa europea –a la que ta suxetu l’espaciu mariñán asturianu- desixe la recoyida y l’fayaizu tratamientu de les agües residuales pa evitar el so arramáu al mar, cola fin de protexer al mediu ambiente de los sos efeutos negativos.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies