La polícia interceptó una venta na parte trasera de les atracciones de feria

La Policía Nacional detuvo a un home de 36 años por vender cocaína nel recintu del eventu, qu`amás taba en posesión d`una dosis d`heroína.

Nel dispositivu especial de seguridá establecíu por cuenta de la Selmana Negra, axentes de la policía detectaron la presencia sospechosa de dos persones qu`intercambiaben daqué na parte trasera de les atracciones de feria nuna hora na que taben zarraes al públicu. Los policíes repararon como uno d`estos suxetos daba dineru a otru mientres l`otru asitiába-y una bolsa de plásticu na mano. Énte la evidencia de que yera una venta de sustancies estupefacientes, procedieron a la identificación de dambos indivíduos pa verificar si taba cometiéndose un delitu.

Los policíes comprobaron que la bolsa contenía dos gramos y mediu de cocaína, y dineru. El vendedor, que cunta con antecedentes, tamién llevaba consigo una dosis d`heroína, siendo deteníu por un delitu contra la salú pública. Amás, interviniéronse-y 383 euros en billetes de 20 y 10 euros, presumiblemente llograos cola venta illegal de drogues.

This work is licensed under a Creative Commons Attribution 4.0 International License.