Un trabayaor de la empresa ATLAS de caltenimientu industrial vien de ser despidíu por denunciar los graves incumplimientos per parte de la mesma, en materia de seguridá llaboral

L’emplegáu, miembru de la executiva de CSI en Mieres, foi despidíu en presentando repetíes quexes énte la falta de seguridá nel centru de trabayu. Asina lo fai constar, ensin disimulos, la carta de despidu recibida.

Dende’l sindicatu CSI nun pueden despintar la so indignación énte’l papu de la empresa “Lo único que fixo ye cumplir como trabayador y miembru’l nuesu sindicatu, denunciando los incumplimientos cometíos pola empresa ATLAS.”.

Poro, conviden a participar na concentración de sofitu convocada pal Xueves 13 de xunetu, a les 10 de la mañana frente a la oficina del UMAC (Unidaes de Mediación, Arbitraxe y Conciliación)  de Xixón, na cai Llibertá.

Redaición InfoAsturies

This work is licensed under a Creative Commons Attribution 4.0 International License.