El xulgáu ordena’l preslle’l crematoriu de Sieru

  • 9 Xullo, 2017

La Sentencia del Xulgáu Contenciosu-Alministrativu Nº 6 d’Uviéu declara la nulidá de la llicencia d’obres y de furrulamientu concedía pol Conceyu de Sieru al crematoriu de La Pola y conderga a esta Alministración al pagu de les costes procesales

La Coordinadora Ecoloxista D´Asturies encabezaba esti recursu xudicial sofitáu polos vecinos ya integrantes Plataforma “Crematorios al Llau de la Xente Non” que cellebren esta decisión y piden “que’l Conceyu asuma’l so conteníu, paralizando darréu l’actividá del crematoriu ”.

La Sentencia confirma les illegalidaes denunciaes polos vecinos, que llevaben años alvirtiendo “Qu’esta llicencia incumplía’l Plan Xeneral Municipal d’Ordenación de Sieru  acordies a numberosa normativa, incurriendo inclusive nun posible fraude” polo que los vecinos y la Coordinadora desixen l’asunción de responsabilidaes polítiques nel Conceyu.

El pleitu foi lleváu polos Lletraos Víctor Álvarez Bayón y Alfonso Llagu Rayón; que valoren bien positivamente la Sentencia y destaquen “la so motivación y contundencia” cuidao que la mesma conclúi textualmente “que’l Conceyu otorgó una facultá escareciendo de los requisitos esenciales para ello, al nun ser el crematoriu usu compatible col de la parcela”, concluyendo la Maxistrada espresamente “que les  llicencies cadecen de nulidá de plenu drechu”  –que nun ye subsanable de dala mena–.

Por tou ello, los vecinos anuncien que van pidir que se ordenela retirada de les obres executaes nel tanatoriu y que se cese na actividá de ensin demoranza. Esperen que’l Conceyu nun recurra la sentencia, yá que al ser ésti’l condergáu a pagar les costes , un nuevu xuiciu sedría otru gastu extra a cargu del erariu públicu.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies