Tornen los vertíos de Reny Picot al ríu Anlleo

  • 8 Xunetu, 2017

La Coordinadora Ecoloxista d’Asturies denuncia a Industries Lláctees Asturianes, S.A. (Reny Picot) por realizar vertíos de grasa y materia orgánico nel ríu Anlleo (Navia) mientres les obres d’igua del emisariu d’Ence, que recueye dende 2.011 estes borrafes

Arriendes de la paralización del emisariu, n’obres por atascu, la lláctea recuperó la tubería que fina en Porto per onde desagua ensin control gran cantidá de materia orgánico y grases, repitiéndose los episodios de contaminación acuífera que tan avezaos yeren hai menos d’una década y que nel so momentu causaron la muerte a un importante númberu pexes.

Esta situación desapaeciera, siquier de la vista, desque los arramaos se faen direutamente a la mar. Esti episodiu llevantó’l barruntu de que nun se tean cumpliendo los parámetros autorizaos de vertíos al mar, en vista de lo que s’arrama al ríu.

La C.E.A. pidió que se tomen amueses y desixe que se pongan en marcha midíes pa que la empresa lláctea allugada n’Anlleo tome midíes pa depurar en condiciones les agües del so procesu, una y bones esta polución supón un nidiu incumplimientu de los parámetros de vertíos de l’autorización ambiental integrada de la empresa.

La coordinadora yá alvirtiera primeramente a la Conseyería d’Infraestructures del Principáu”  de qu’esto podría asoceder, solicitando que se controlaren estos vertíos con motivu de les anunciaes obres del emisariu, a lo que se-yos retrucó que la empresa garantizare  que nun se produciríen arramaos al ríu, al  estremar la depuración del procesu “Daqué que rescampla que nun se fixo, en vista de lo que sal pol desaguadoriu, lo mesmo que nos malos tiempos de décades anteriores.”

Reny Picot atropa numberosos espedientes por arramaos y los ecoloxistes destaquen que “ nel actual complexu d’Anlleo, tán  produciéndose  costantes incumplimientos de les condiciones impuestes nel  capítulu d’agües residuales, que’l  “Principado” pudo comprobar  y dexó toos estos años a pesar de les constantes denuncies de Salternavia. Paez que-yos sale más barato pagar multes que poner una depuradora en condiciones”.

Llucía F. Marqués

 

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies