La Xata la Rifa , coleutivu multidisciplinar y mutante entamáu por artistes escénicos, visuales y músicos busca a un actor qu’interprete a Villa pauna Escena que se rodará dientro d’El Musical Industrial de la Xata La Rifa el día 19 xunetu a les ocho de la tardi nel  Teatru Campoamor

El perfil que se busca ye  preferentemente asturianu, con talentu pa dar discursos y habilidá pa mentir, poder de convicción de mases, mutabilidá  y talante político. Valoraráse tener conocimientos y datos sobre sindicalismu y conocimientos sobre la trayectoria de Jose Angel Villa. El casting ye’l 8 xunetu de magar les 6 de la tardi en El Manglary la persona escoyía deberá tener disponibilidá d’horarios pa ensayar dende’l díi 8 fasta’l 19 de Xunetu.

El Musical Industrial Ablaña Dead City “ … pan pa hoy y Fame pa mañana”(versión 1) ye una pieza escénica-fílmico-musical alredor de la minería y de lo avezao de les cuenques del Nalón y el Caudal. “Una apuesta coleutiva de realismu y fición contundente, viaxando nun híbridu de performance, documentación y participación popular” que tuvo un procesu compartíu a mou de Festival n’ochobre de 2016.

L’argumentu versa sobre una XataMinera que vien del futuru, pero con retrasu, percorriendo les cuenques na so nave del tiempu (el tren). Convierte Ablaña n’escenariu western de decandencia post industrial y a Carbayín, nel Broadway de la llucha minera, bailada na barriada con barricada cultural ochentera, y un banquete futurista de Fabada pa la reciella en Tuilla ante’l Villanu Bross qu’arrepentíu, costruye un presente re-convertíu, devolviendo el desfalcu con un maletín de millones de papeletes.”

Llucía F. Marqués

This work is licensed under a Creative Commons Attribution 4.0 International License.