• Portada
  • >
  • Conceyos
  • >
  • Avilés abre’l plazu para solicitar les Ayudes Municipales de Garantía Enerxética y d’Arriendu de vivienda 2017

Avilés abre’l plazu para solicitar les Ayudes Municipales de Garantía Enerxética y d’Arriendu de vivienda 2017

  • 23 Xuño, 2017

Ca vegada son más los avilesinos que se ven obligaos a recurrir a esti tipu d’ayudes para caltener una calidá de vida digna, nel 2.017 fueron 1.295 les families beneficiaries d’ayudes directes a la vivienda

Les Ayudes Municipales de Garantía Enerxética tienen de plazu para la so solicitú hasta’l 15 de payares y les d’arriendu hasta’l 31 d’ochobre. Dambes concederánse en función de los ingresos de la unidá familiar.

Prevése que nes próximes selmanes tea abierta tamién la tercer convocatoria d’ayudes a propietarios de vivienda y la convocatoria d’ayudes al arriendu del Gobiernu d’Asturies.

La PAH d’ Asturies y Andecha Ástur coinciden en valorar que, magar estes ayudes son imprescindibles para caltener un nivel de vida mínimamente afayaizu pa munches families, nun constitúin en si mesmes una solución, una y bones lo que los asturianos quieren ye tener los medios para ganase la vida ensin depender d’esti tipu d’ingresos. “Especialmente esmolecedor ye’l fechu de que creza’l númberu de families que precisen d’estes ayudes inclusive trabayando, lo que ye un claru indicador del nivel de precariedá llaboral que se consiente n’Asturies” aporfia Arturu Xosé Bermeyu, Secretariu Xeneral d’A.A.

Ayudes Municipales de Garantía Enerxética

La partida inicial presupuestada en 2017 pa estes ayudes, que se engloben dientro de la convocatoria d’ayudes de sofitu a la vivienda, ye de 90.000 euros. El so oxetivu ye satisfaer  les necesidaes prioritaries de les persones con escasos ingresos económicos, facilitando’l caltenimientu de la vivienda a les  families con mayores dificultaes. Les persones interesaes pueden informase y presentar les sos solicitúes dica’l 15 de payares na Oficina de vivienda d’El Nodo.

Estes ayudes van dirixíes al pagu de los recibos de la lluz, gas y agua de les families en situación de dificultá económica. Para aportar a estes ayudes pídise ser titular del contratu de suministros o tar obligaos al so abonu pol arrendaor, tar empadronáu n’Avilés con siquier 6 meses d’antigüedá, que los ingresos trimestrales de tolos miembros que moren na vivienda nun superen en 1,2 vegaes l’ IPREM ponderáu y que tolos miembros de la unidá familiar tean al corriente nos pagos col Conceyu d’Avilés y nun seyan debedores con Facienda.

Va concedese una única ayuda del 100% de les factures (ensin recargos) de la empresa suministraora, con una llende de 300 euros añales. Namái podrá concedese una ayuda por vivienda y persona d’unidá de convivencia sobro la mesma factura d’empresa suministraora y namás van ser sovencionables factures emitíes en 2017.

Ayudes Municipales al Arriendu de Viviendes 2017

Per otru llau, el plazu pa solicitar les Ayudes Municipales al Arriendu d’anguaño va tar abiertu hasta’l 31 d’ochobre. Énte la evidencia de qu’un trabayu nun ye garantía abonda p’asegurar unos ingresos mínimos, anguañu van poder optar a estes ayudes persones n’activu, y non solo quien tean desemplegaos, como n’anteriores convocatories. La partida inicial presupuestada en 2017 pa estes ayudes ye de 240.000 euros.

 

Llucía F.Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies