Campaña escontra’l Plumeru La Pampa

  • 22 Xunu, 2017

Lluchando Pola Soberanía vien d’entamar la campaña “Plumeru La Pampa fuera d’Asturies, pola defensa’l territoriu y la soberanía ambiental”

La Cortaderia selloana, o plumeru la Pampa, como se-y conoz, ye una planta invasora   qu’aportó a Asturies como planta ornamental y qu’anguañu costitúi una importante menacia pa la biodiversidá nacional, ya que compite con ventaxa cola flora’l país, ocupando’l so llugar nos ecosistemes naturales, alterando la cadarma ya’l furrulamientu de los mesmos.

Nun ye la única especie esótica con un perfil asemeyáu presente n’Asturies, de  fechu son 124 les catalogaes comu invasores, pero esta destaca pola so visibilidá y agresividá.

Lluchando Pola Soberanía apunta pa la invasión del plumeru La Pampa como ñiciu de perdida de la soberanía ambiental, señalando non solo pal desastre ecolóxicu que suponen esta y otres invasiones vexetales y animales, sinón tamién pa los problemes estructurales que carecemos nel nuestru país, como l’abandonu de lo rural -como llugar y como mediu de vida- y la especulación urbanística, dos cuestiones que faciliten esti y a otros desastres ambientales.

La presentación de la so  campaña sedrá esti domingu 25 de xunu, a les 11:30, nel Aria Recreativa de San Andrés de Los Tacones (Xixón). Darréu darán exemplu con una aición de desaniciu de plumeru nel Polígonu ZALIA y finarán con una parrillada nel área recreativa de San Andrés. Conviden a los asistentes a llevar al actu, amás de guantes y ropa afayaizo, ferramienta pa compartir: fesoria, palote, pala, tisories cortasetos, esbrozadora, etc.

La campaña incluirá un manifiestu y dellos materiales de difusión colos que fadrán por llegar a tolos puntos posibles del país, con atención especial a les zones afeutaes pol plumeru La Pampa.

Llucía F. Marqués

This work is licensed under a Creative Commons Attribution 4.0 International License.

1 Comment Already

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies