• Portada
  • >
  • Conceyos
  • >
  • Primer Festival de Cultura Urbano de Samartín del Rei Aurelio

Primer Festival de Cultura Urbano de Samartín del Rei Aurelio

  • 15 Xuño, 2017

El 15 xunetu L’asociación xuvenil Que Nun Apare! entama nel colexu públicu El Coto (L’Entregu) esti evento, qu’axunta deporte, danza, talleres y música

Esti añu en L’Entregu les tradicionales fiestes de La Laguna tán nel aire énte la falta de Comisión de Festexos, pero esta llocalidá de Samartín del Rei Aurelio nun va quedase quieta. L’asociación xuvenil Que Nun Apare! decidió dar un pasu alantre pa enllenar el vacíu cultural existente -sobremanera pa la mocedá- y por eso’l sábadu 15 de xunetu va entamar el primer festival de cultura urbano del conceyu, un eventu pa tolos públicos que se va celebrar nel C.P El Coto.

Dende les diez de la mañana dica la una de la madrugada L’Entregu va ser un pueblu enllenu de cultura urbano, entiendo esta como aquelles actividaes que se faen na cai socialmente y con daqué arume alternativo. Amás esti festival tamién nagua por apostar pola multicultularidá, amestando nel programa parte de la esencia de Xamaica, del Bronx y d’África; too ello ensin escaecer los raigaños culturales asturianos. Ye por esto que va haber danza africana, un pasucais de los Gaiteros del Carbón, una auténtica sound system –los potentes equipos musicales artesanales y portátiles que nacieron en Xamaica nos años 50- y conciertos hiphop y reggae.

A la fin, el “I Festival de Cultura Urbano de Samartín” va ser una montonera d’actividaes pa tolos públicos que van ufiertar daqué distinto al conceyu, apostando amás polos artistes y creadores asturianos y de la Cuenca’l Nalón. En feches cercanes al eventu, l’asociación xuvenil va presentar en rueda  prensa xunto a la Conceyalía d’Igualdá, Mocedá y Turismu del Conceyu de Samartín del Rei Aurelio -que collabora na organización- tola programación y horarios d’esta cita autoxestionada pola mocedá y desendolcada tamién gracies al sofitu de los vecinos y de los comerciantes de L’Entregu.

Redaición InfoAsturies

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies