La contaminación por partícules sube un 1.166% nel Nalón

  • 8 Xuño, 2017

Desconozse’l motivu del alarmante aumentu de partícules contaminantes pM10 na Cuenca’l Nalón durante la tardi d’ayer

Ayer foi un día nel que los marcaores de contaminación na mayor parte del territoriu asturianu caltuviéronse controlaos enforma, cola llamativa escepción de les estaciones situaes en Blimea y Sama, que rexistraron un fortísimu aumentu nos niveles de partícules superiores a los 10 micres.

La Organización Mundial de la Salú  recomienda unos valores llende pa partícules  de 20 µg/m3 de media añal pa les PM10, considerando 50 µg/m3  diaries un valor d’alerta pa les PM10rgo. Sicasí, na estación del Florán, en Blimea (Samartín del Rei Aureliu) algamáronse na tardi d’ayer  picos de fasta 210 µg/m3  de PM10, partiendo de 18 µg/m3, un espoxigue del 1.166% pal que naide alcuentra esplicación. La midición ye entá más esmolecedora si consideramos que’l midior s’alcuentra nuna zona escolar y deportiva.

Tamién na estación de Sama Llangréu, situada a ocho kilómetros de l’anterior, rexistró a la mesma hora un fuerte incrementu de les mesmes partícules, no tan eleváu como’n Blimea pero mui significativu,l o qu’indica una fuerte contaminación en tola fastera recoyía en delles estaciones, descartando que los incrementos seyan frutos d’una avería puntual.

Hai que recordar que la cuenca del Nalón ye’el sitiu más contamináu d’Asturies por micro partícules PM2,5, les más dañibles, ya que pol so pequeñu tamañu pueden aportar al torrente sanguíneu arrastrando la so carga contaminante.

L’estudiu epidemiolóxicu fechu pola Conseyería de Sanidá del Principado y presentáu l’añu 2016 ye concluyente no que cinca a la correllación pente estos picos de contaminación atmosférica y l’aumentu los ingresos hospitalarios n’Asturies por enfermedaes respiratories.

Dende la Coordinadora Ecoloxista d’Asturies, amás de pidir esplicaciones por esti incrementu, declaren que “ta nidio que’l Gobiernu d’Asturies  tien qu’asumir les sos responsabilidades y trabayar pa que se reduzan estos niveles elevaos de contaminantes que lleva años ocultando pol impautu que supón pa los vecinos

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies