• Portada
  • >
  • Asturies
  • >
  • Diez Graos de la Universidá asturiana lleguen yá al 8 de nota de corte

Diez Graos de la Universidá asturiana lleguen yá al 8 de nota de corte

  • 2 Xuño, 2017

Pesia cuntar con menos de la metá de población qu’Asturies, la Universidá de Cantabria ufierta más places que l’asturiana.

El viniente 7 de xunu n’Asturies empecipia la Evaluación Final de Bachilleratu (EBAU), preba mui asemeyada a l’anterior PAU y que determina l’accesu a la Universidá. Los alumnos de los 118 centros educativos esistentes nel país van poder examinase nes trece sedes señalaes pa los exámenes, distribuyies pelos campus d’Uviéu, Xixón y Mieres y los institutos de Tapia de Casariego, Avilés, Cangas del Narcea y Ribeseya. En total unos 4.000 alunos asturianos esaminaráse de la EBAU

La superación d’esta preba permite y condiciona l’acceso de los alumnos a dalgun de los 58 graos incluyíos na ufierta académica de la Universidá d’Uviéu pal viniente cursu. De los cualos, son diez los que superen el 8 de nota de corte esixida pa entrar: Bioloxía (8,05), Psicoloxía (8,100), Matemátiques (8,132), doble grau n’ADE y Derecho (9,477), Enfermería (10,40 n’Uviéu y 10,39 en Xixón), Fisioterapia (11,003), doble grau en Matemátiques y Física (11,202), Odontoloxía (11,550), Biotecnoloxía (11,964) y Melicina (12,403).

Ente toos ellos sumen unes dos mil places a disposición del alumnáu, cifra que resulta llamativa cuando ye comparada cola Universidá de Santander, que ufierta unes 2.515 places. L’actual Comunidá Autónoma del Principáu d’Asturies tien una población de 1.044.481 persones, mientres que la vecina Comunidá Autónoma de Cantabria, cunta con una población de 582.206 persones. Ye evidente’l desaxuste ente la población del territoriu y les places de la Universidá. Nun ye normal que teniendo Asturies el doble de población, y polo tanto de contribuyentes a les arques públiques, la so Universidá, de titularidá pública, ufierte menos places que la Universidá cántabra. Una amuesa más del desinterés de los poderes públicos asturianos por formar lo meyor de la mocedá asturiano en territoriu asturianu como garantía del futuru del país.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies