Esta tardi, nel Palaciu de Valdecarzana en Avilés, a partir de les siete la tardi, presentarán les sos conclusiones Jesus de la Roza de STEC-Suatea y Ana Andrés Ablanedo, de Pachakuti, integrantes ambos de la XIII delegación asturiana de verificación de los Drechos humanos en Colombia
Proyectaránse tamién imáxenes de la so visita a traviés d’un percorríu ampliu polos departamentos del país, incluyendo dos “zones veredales” onde la guerrilla de les FARC se concentra pa cumplir los Alcuerdos de Paz. A lo llargo del so viaxe realizaron numberoses entrevistes con mayestres, pobladores, comunidaes afro, ribereños y con afeutaos poles estremaes violencies.
La información recoyía foi contrastada cola oficina del Altu Comisionáu de la ONU pa los drechos humanos, cola embaxada española, con Ministros del gobiernu colombianu, cola Fiscalía y la Procuradoría, y pente toos estos organismos redáctose finalmente l’Informe sobre los drechos humanos en Colombia , que ya ta n’imprenta, y sedrá comu nos años anteriores presentáu nel parlamentu asturianu, nel Européu, nel Congresu y nel sistema de Naciones Xuníes
La delegación asturiana, esti añu, tuvo compuesta por 12 persones, y en Colombia prepara l’axenda’l denomináu”comité d’escoyeta “, 9 organizaciones d’altu nivel que, tamién, escueye n a les persones persiguíes y menaciaes de muerte pola so actividá democrática qu’aportarán a Asturies pa una proteición temporal de 6 meses.
Redaición InfoAsturies
This work is licensed under a Creative Commons Attribution 4.0 International License.
