Humedaes nel Istitutu la Lluz

  • 26 Mayu, 2017

El Conseyu Escolar del Istitutu la Lluz n’Avilés denuncia graves humedaes y dellos desperfechos nel so cientru

El problema lleva años esmoleciendo a les families, que manifiestan sentise engañaos pola Conseyería d’Educación y Cultura, que garraren  el compromisu de solucionalo.

Poro’l Conseyu escolar decidió treslladar a tolos grupos parlamentarios de la Xunta Xeneral la pidición de  que desixa a la Conseyería d’Educación y  Cultura’l cumplimientu de les sos promeses y entamen les obras, delles vegaes anunciaes y recoyíes nel acta de la  Comisión d’Educación de la Xunta Xeneral.

La so pidición ye que se proceda darréu a abordar la reparación de les humedaes del ala sur del edificiu, a cargu los 180.000 € qu’en so momentu foren destinaos pa les obras nel centru, vinientes de fondos europeos, pa solucionar específicamente’l tema de les humedaes. Gran parte d’esti presupuestu foi a parar a obres estremaes a les acordaes, pero soliciten que s’aplique’l remanente, de más de 40.000, euros pa completar les xeres pendientes.

La edá l’edificiu ya’l so mal estáu de conservación fai que  l’istitutu se vea forciáu a facer frente a numberoses reformes y reparaciones, perxudicando’l furrulamientu normal del centru y faciendo abegosa la necesaria renovación y alquisición d’equipamientos didáuticos.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies