• Portada
  • >
  • Asturies
  • >
  • #SidraChallenge, la cadena qu’enllena internet de sidre

#SidraChallenge, la cadena qu’enllena internet de sidre

  • 23 Maio, 2017

El retu en si ye prestosu pero, arruelu aparte, ye importante non solo pa que los asturianos y la nuesa sidre nos faigamos ver, sinón pa reconocenos ante nos mesmos como parte d’una comunidá, un país, con vezos únicos y comunes. Ye preciso garrar conciencia de lo muncho que mos xune

¿Tú ya echasti un culín pela rede? ¿non? ¿y a qué esperes? #SidraChallenge ya ta en marcha. En toles redes sociales pues alcontrar cientos de presones espurriendo’l brazu, con mayor o menor xeitu, echando un  culete. Instagram, Facebook, Twitter… la idega ye dar visibilidá a esti vezu tan nuesu y de pasu, tomar un par de culinos, que cualesquier esculpía ye bona pa tomar  sidre.

El furrulamientu nun se desemeya d’otres cadenes d’esta triba, como’l Manequin Challenge, la d’echase un calderáu d’agua perriba pa sofitar la investigación contra la ELA o la d’espublizar una semeya de cuando neños. Nesti casu trátase de garrar un vasu y una botella de sidre asturiana, buscar un sitiu prestosu, grabase echando un culín, bebelu y subilu pa la rede col hastag #SidraChallenge y si se quier, tamién colos de  #folixa, #sidra, #Asturies o #YeAsturies. Que nun se vos escaeza’l nominar a tres collacios polo menos, pa que siga la cadena. El plazu ye de 72 hores, que si pasen ensin cumplir el retu obliguen al nomináu/ada a convidar al nominaor a una botella sidre.

 “Que cuerra la sidre”, “Aceuta’l retu 100% asturianu”   y “Comparte l’arguyu asturianu” son los llemes del retu, pero’l convite ye internacional, pa propios y pa foriatos y pa toles edaes (los menores, que nun beban el culín). Ya tan aportando prestosos videos dende llugares tan allonxaos como Centruáfrica, Llondres o l’Habana.

Arriendes de los cientos d’echaores anónimos, dalgunes presonalidaes conocíes tamién s’apuntaron al retu: podemos ver a actores, como Roberto Álvarez  dende’l monte, Ana Villa dende Madrid y Nerea Vázquez dende la Llaboral de Xixón, o a músicos, como Rodrigo Cuevas al par del tendal y con madreñes y Ramón Blanco, de Los Berrones, enriba un teyáu.

Llucía F. Marqués

 

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies