Enda Kenny va permanecer nel Gobiernu de Dublín hasta que’l so partíu, el Fine Gael, decida un nuevu secretariu xeneral

El “taoiseach” (primer ministru en gaélicu) llevaba 15 años dirixiendo’l Fine Gale, el principal partíu de la derecha irlandesa, y dalgo más de seis años nel Executivu de Dublín.

Kenny llegó al Gobiernu en 2011 y obtuvo un segundu mandatu nes elecciones xenerales del pasáu añu, pero la curtia victoria del so partíu le obligaría a formar un Executivu en minoría, polo que pa gobernar necesitaba permanentemente del sofitu o de la astención del centrista Fianna Fáil, el partíu más fuerte de la oposición.

Nun comunicáu Kenny esplicó que’l Fine Gale tien un periodu de tiempu “breve” pero “apropiáu” pa guetar un socesor, que una vegada decidíu va ser el encargáu de dirixir tanto’l partíu como’l Gobiernu.

This work is licensed under a Creative Commons Attribution 4.0 International License.