Hamilton gana en Montmeló/ Fórmula 1

  • 15 Maio, 2017

 

La victoria ye pa Hamilton y Mercedes sigue lliderando’l campeonatu, pero Vettel ta primeru na clasificación de pilotos con diferencia de 6 puntos. Ricciardo pola so parte algama un puestu nel podium gracies a los abandonos de xente de equipos grandes

Esti fin de selmana en Catalunya hubo cita cola categoría reina del motor, con una carrera bien accidentao. De los 3 equipos más grandes solo terminaron 3 pilotos, un de cá equipu. Na primer vuelta, na más salir, un choque ente Kimi Raikkönen y Max Verstappen provocó l’abandonu d’ambos. Según pudo vese nes repeticiones, hubo un toque de Bottas a Raikkönen na rueda trasera, lo que fizo que Kimi perdiera el control y chocará escontra’l holandés de Red bull. Bottas, pola so parte, pudo seguir la carrera y ayudó al equipu frenando a Vettel más alantre, los problemes llegaron na vuelta

Persecución épica de Hamilton a Vettel

Ún de los meyores momentos del GP foi ensín dulda la persecución de Hamilton a Vettel. El Mercedes salía delantre, pero Vettel adelanto-y na primera curva. Dende esi momentu tolos esfuerzos de Mercedes y Hamilton foron enfotaos a recuperar esa primera posición. Nun solo la estratexa de paraes, sinón tamién la suerte col Safety Car Virtual y, por último pero non menos importante, el papel de Bottas frenando a Vettel pa que Hamilton pudiera llegar a tratar d’adelantalo. Nel momentu nel que’l britanicu tuvo detrás del alemán, nun hubo tregua, comenzó el hammer-time. Cuando Hamilton quier dalgo, consiguelo, y asina foi que tras varios intentos pasó a Vettel y nun soltó más la primer posición, segunda vegada que gana esta temporada, na que-y ta costando más que nes anteriores algamar el primer puestu del podiu.

Hulkemberg termina sextu

8 puntos pal equipu francés que-y faen ganar una posición nel campeonatu frente a Haas y que vienen muy bien esta temporada que nun ta pasando pol so meyor momentu, anque n’esti proyectu nuevu prometíen meyores. Hai que tener en cuenta qu’estos puntos vienen polos abandonos de los grandes y por actuaciones bastante males d’equipos como Williams (que marcha pa casa ensín puntos), non por un proyectu estable y de futuru.

McLaren-Honda, unicu equipu ensín puntos nel campeonatu

Cola octava posición de Pascal Wehrlein, que fizo bona actuación n’esti GP, Sauber algama 4 puntos (los primeros que tien nel campeonatu), y McLaren-Honda ye l’unicu de los 10 equipos de la categoría reina que entá nun tien nengún punto. Ye’l’últimu na clasificación y sigue lluchando pa poder terminar les carreres. Nel GP de España Alonso terminó 12º y el so compañeru tuvo que abandonar ensín poder terminar la carrera, cosa habitual nel equipu.

Fernando Alonso nun tará na prosima carrera (GP de Mónaco) pa poder participar nes 500 milles d’Indianapolis y según les sos declaraciones, si les coses nun cambien muncho en McLaren, a partir de setiembre entamará a pensar na so marcha de la F1, o polo menos del equipu.

 

Recuerda que si quies tar al tantu de toes les noticies de Fórmula 1 n’asturianu pues siguir la cuenta de Twitter @F1Nasturianu, información de F1 siempres n’asturianu

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies