Va ser siguida d’una folixa n’El Arbeyal, con motivu del Día Mundial del Mediu Ambiente

La Plataforma Contra la Contaminación de Xixón ta entamando una manifestación en bicicleta na ciudá pal sábadu 3 de xunu, dientro de los actos entamaos pa conmemorar el Día Mundial del Mediu Ambiente. Oficialmente esti día cellebrase’l llunes 5 de xunu, pero les actividaes se treslladaron a la selmana anterior, rematando’l día trés cola manifestación en bicicleta pela ciudá y una folixa na fastera d’El Arbeyal que va incluyir actuaciones musicales, xuegos infantiles y meses informatives sobre’l problema de la contaminación en diversos llugares d’Asturies, ente ellos Xixón, especialmente los sos barrios del oeste, los más cercanos a la industria pesao qu’hai ente Xixón y Carreño.

Les actividaes van ser convocaes por “Asturias por un aire sano”, plataforma qu’apigura y coordinada a diversos colectivos y organizaciones d’ámbitu llocal.

This work is licensed under a Creative Commons Attribution 4.0 International License.