Asturies defende la música en direutu

  • 28 Abril, 2017

Vecinos, músicos, asociaciones culturales y profesionales, hosteleros, promotores, Universidá d’Uviéu, Abogaos Mozos, Informadores Turísticos, profesores del Conservatoriu y Casa Conceyu d’Uviéu esixen al Principáu que desbloquie la prohibición de la música en direutu nos llocales debidamente insonorizaos

L’actual llexislación asturiana dexa a los llocales debidamente insonorizaos emitir música grabao fasta 90dB, pero prohibe coles mesmes cualesquier triba de música en direutu.

Esta prohibición emana de la llexislación autonómica sobre Espectáculos (Decretu 91/2004) y Mediu Ambiente (Decretu 99/85), que carez d’una redaición poco nidia y nun ta coordinada cola posterior llei d’Espectáculos (Llei 8/2002). La falta de claridá d’esti decretu permite una interpretación que torgue los conciertos, anque tamién podría interpretase en sentíu opuestu, dexándolos.

Poro, numberosos colectivos y organizaciones reclamen al “Principado” una llectura clara na que s’especifique en que locales tán permitíos los espectáculos de música en direutu.

N’agostu de 2015, delles asociaciones musicales y culturales asturianes yá entamaren una campaña pa superar estes torgues llexislatives, recoyendo más de 14.000  robles y llogrando incluyir na axenda llexislativa’l “Principado” el cambéu del Decretu, reforma que fuera aniciada en 2016, pero que, sicasí, foi archivada ensin desplicaciones.

Llucía Fernández Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies