• Portada
  • >
  • Asturies
  • >
  • El fiscal entrugó pola presencia d’Areces nel conseyu qu’axudicó la obra d’El Musel

El fiscal entrugó pola presencia d’Areces nel conseyu qu’axudicó la obra d’El Musel

  • 24 Abril, 2017

Un informe d’Anticorrupción señala que se retardó más d’un añu la tramitación de los sobrecostos

La presencia del entós presidente del Gobiernu asturianu, Vicente Álvarez Areces, al aniciu d’un aconceyamientu del conseyu d’alministración de l’Autoridá Portuaria de Xixón el día 4 de xineru de 2005 (na cual foi axudicada la obra d’ampliación d’El Musel a la UTE Dique Torres) espierta l’interés de la Fiscalía Anticorrupción, yá que Areces nun yera miembru del conseyu. De fechu el por qué d’esa presencia foi la primer entruga que realizó’l fiscal a José Luis Barettino, director xeneral d’El Musel, na so comparecencia como testigu del “casu Musel” el vienres, nel xulgáu central d’instrucción número 3 de l’Audiencia Nacional del Estáu español en Madrid.

Barettino nun esplicó’l motivu de la presencia d’Areces nel conseyu d’El Musel, sinón que namás manifestó qu’él, como secretariu del conseyu, reflexó nel acta d’esi aconceyamientu la presencia d’Areces asina como les pallabres que dirixió a los conseyeros.

L’acta d’aquella xunta recueye qu’Areces atribuyó l’impulsu pa poner en marcha la obra al gobiernu central de José Luis Rodríguez Zapatero, y qu’amás calificó d’“impecable” el llabor técnicu y financieru de l’Autoridá Portuaria.

This work is licensed under a Creative Commons Attribution 4.0 International License.

2 Comments Already

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies