Sidrocoles, talleres sidreros pa toles edaes

  • 20 Abril, 2017

A lo llargo de tol añu Sidrocoles percuerre la xeografía asturiana formando sidreros de toles edaes nos conceutos básicos de la nuesa bebida favorita

Facer sidre del duernu, deprender a echar sidre como un profesional, llantar pumares en pebidales, reise y deprender colos xuegos de la sidre, visitar llagares o pumaraes, averase a los secretos de la tastia de sidre o conocer eses variedaes sidreres que son menos populares… caún pue escoyer el Sidrocole que más y preste, en función de les edaes y los gustos.

La sidre, más que ser cenciellamente una bebida, ye una costante na vida los asturianos. Ta presente en tolos momentos ya’l so ciclu marca’l ritmu del añu con espiches, celebraciones y trabayos. A traviés de los Sidrocoles la Fundación Asturies XXI lleva nueve años espardiendo la cultura sidrera pente toos aquellos que nun se conformen con esfrutar de la sidre en chigre y quieren dar un pasu más, conociendo l’onde, el cómo ya’l porqué de los sos secretos.

Nesos años, son munchos los colexos, asociaciones, grupos d’amigos, cases de conceyu o cenciellamente families qu’acudieron a los Sidrocoles, pero probablemente seyan los turistes los que más esfruten con estes actividaes, ya que pa ellos resulta un mundiu desconocíu dafechu y ablucante na so autenticidá, asina que la temporada de branu ta a piques d’entamar colos sos talleres, disponibles en dellos idiomes.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies