Los asturianos encausaos por confechu, prevaricación y malversación mientres el 2016, unos 59, suponen el 9% del conxuntu estatal

La corrupción, convertida yá nun mal estructural del actual Estáu español, ta una vegada más comprobáu que tien especial implantación ente la clase política asturiana, fondamente sucursalista y desapegada al respective de la so tierra y les sos xentes.

El nuesu país solamente ye superáu por Baleares, con 97 incursos nesti tipu de procesos, Canaries y Andalucía, dambes con 61.

Según los datos del repositoriu sobre delitos de corrupción del Conseyu Xeneral del Poder Xudicial (CGPJ), nel 2016 dictáronse unos seis sentencies. Trés d’elles fueron condergatories (una de conformidá) y una cuarta parcialmente condergatoria, les cuatro dictaes pola Audiencia Provincial d’Asturies. Ente estes condergues cunten la del exalcalde de Cuideiru, Francisco González.

This work is licensed under a Creative Commons Attribution 4.0 International License.