Vettel algama el primer puestu nel GP de Bahrein

  • 17 Abril, 2017

Triunfa la estratexa Ferrari

Nesta carrera el pilotu alemán demostró que Ferrari ta a la altura de ganar carreres y tamién de competir pol campeonatu, a diferencia d’años pasaos. Na salida Vettel aprovechaba la curva pa adelantar a Hamilton y depués gracies a una parada en boxes un poco lenta de Bottas, fizose cola primer posición que nun soltó nel restu de la carrera. Distintu foi’l casu del so compañeru d’equipu, Kimi Raikkonen, pues la so llucha foi pola cuarta posición con Ricciardo.

Per otru llau, foi una carrera con dellos accidentes. Na más 13 pilotos finaron esti GP, y ye que na vuelta 9 abandonaba Magnussen por avería, y dos vueltes más alantre Verstappen. Depués llegaba el choque ente Stroll y Sainz que facía qu’abandonarán los dos. L’abandonu del pilotu asturianu, por otra parte, llegaba al final de carrera y col so compañeru ya fuera tamién.

Incidente ente Stroll y Sainz

Na vuelta 14 Stroll taba saliendo de boxes y el pilotu de Toro Rosso diba pola pista. Al dar la primer curva depués de la salida Stroll tocó con C. Sainz y los dos tuvieron qu’abandonar. Ye complicau dicir de quien ye la culpa. Stroll por nun mirar pol retrovisor si venía daquién o Sainz por nun baxar la velocidá pa nun chocar. El casu ye que’l pilotu de Williams defendiose ante les cámares diciendo que la culpa yera de Sainz, y más tarde la FIA dio-y la razón. Agora Sainz ta sancionau con 3 posiciones pal prósimu GP y dos puntos menos na superlicencia (el carné).

 

Doblete pa Force India

Paez que’l coche collor rosa ta dando-yos suerte porque tan 4º nel campeonatu y puntuaron n’esta carrera colos dos coches. Sergio Pérez salía na posición 18 pero’l mexicanu quería siguir cola so racha y terminó séptimu, ya van 13 carreres seguíes puntuando. Esteban Ocon lleva les 3 carreres na 10º posición, dando-y un puntín al equipu con cá carrera, anque diz que tien ganes de más. Tras la carrera Checo Pérez sentenciaba “Güei demostramos que los domingos nun mos rendimos”.

Más problemes pa McLaren

La otra cara de la moneda n’esta temporada ye, sigue siendo más bien, McLaren. Stoffel Vaandorne tenía el monoplaza colocáu nel pit lane y taba preparandose, pero finalmente tuvieron que retirar el so coche y nun tuvo oportunidá nin de salir. Paez que ye’l mesmu problema que yos impidió salir nos llibres y que llevaben arrastrando tou’l GP. Alonso pudo salir y lluchar colos pilotos d’atrás pola 10º posición que nun podía algamar por falta de potencia, decía pola radio “Nun corrí con un coche con tan poca potencia… na vida”. El desastre llegaba cuando nun quedaba na pa terminar y Fernando tenia qu’aparar el coche por problemes col motor. 3 años depués d’entamar esti proyectu McLaren-Honda nun tamos nin pensando en puntos pal equipu, tamos pensando en que nun pueden terminar una carrera. Recordome un pocu a cuando taba el equipu HRT y Pedro de la Rosa decía que nun sabían si tenían combustible suficiente pa correr, la cosa ye que HRT tenía mil veces menos presupuestu. En conclusión, el motor Honda tres años depués ye lento y poco fiable.

Pedro Miguelez Casas

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies