Los datos esistentes amuesen una xubida de la contaminación atmosférica en Xixón mientres el primer trimestre del añu.

La mayoría d’estaciones qu’emiten datos na ciudá costera señalen una xubida nes emisiones de partícules de menos de diez micres, partícules de menos de 2,5 micres, dióxidu d’azufre, óxidos de nitróxenu y bencenu, d’alcuerdo col comunicáu de la Coordinadora Ecoloxista.

Amás según un estudiu epidemiolóxicu realizáu pola Conseyería de Sanidá del Principáu d’Asturies, esti crecimientu de la contaminación atmosférica ye la causa del aumentu de los ingresos hospitalarios por enfermedaes respiratories.

This work is licensed under a Creative Commons Attribution 4.0 International License.