Malcontentu ente les marees llocales pola nueva Coordinadora

El Consello das Marees, aconceyau’l domingu en Santiago de Compostela, aprobó la composición de la so nueva coordinadora, y l’elección del voceru orgánicu d’En Marea, que va ser l’actual voceru parllamentariu, Luis Villares, decisión refrendada namás por 18 votos de los 35 esistentes

Sicasí diverses voces manifestaronse de manera crítica estos caberos díes porque consideren que la nueva dirección nun recueye la pluralidá interna. Esi ye’l casu del alcalde d’A Coruña y llíder de la Marea Atlántica, Xulio Ferreiro, que nun ve con bonos güeyos que s’abandonara “la llista que se presentó de consensu mayoritariu”, más tovía cuando “se camuda un documentu políticu aprobáu col sesenta per cientu de los votos nes primaries”, aseguró.

El diputáu Antón Gómez-Reino declaró que’l malcontentu llega “non namás que d’A Coruña sinón de toles Alcaldíes y les marees fundamentales” y de “los partíos que formen l’espaciu políticu”, considerando que “foi una equivocación lo que fizo Luis Villares. Queden escluyíos tolos actores políticos fundamentales y los espacios ciudadanos que vertebraron tou esti movimientu”.

This work is licensed under a Creative Commons Attribution 4.0 International License.