La mayor cayía del PIB y menor inversión estatal

  • 6 Abril, 2017

Hai noticies que se lleen meyor xuntes. Una, Asturies recibe la menor inversión estatal en venti años, dos, costátase que carecemos la mayor cayía del PIB de tol estáu y pa la tres voi un poco más lloñe nel tiempu, alrodiu d’un añu atrás, coles declaraciones de Javier Fernández

 

Llucía Fernández Marqués

Hai quien verá la rellación pente les noticies meyor qu’otros, pero’l casu ye que, demientres el productu interior brutu tien n’España una tendencia al xorrecimientu (+3,2% de media’l caberu añu) n’Asturies esti índiz, bon indicaor del nivel de vida y de les esperances de meyora económica d’un país, sigui cayendo. Pa ser más concretos, cai un -6,4%, ello ye, la evolución ye en suma cuasi un diez por cientu peor que la del conxuntu del estáu.

No que cinca a la delda pública, los asturianos debemos más cada vegada, daqué qu’esmolez viendo que producimos menos. Ye interesante mirar más p’atrás y ver la evolución a llargu plazu: en 2005 la delda por persona yera de 755 € por habitante, frente a los más de 4.000 que correspuenden anguañu a cada asturianu/a

Tou ello debuxa una imaxe más bien murnia del nuesu país, pero’l guelpe de gracia dánosllu l’estáu español colos presupuestos. Un 31% menos d’inversión estatal. Nun hai perres pa la variante, nin tren en Xixón que valga, la cultura recibe un plizcu y les ruines inversiones enfociquen a los empresarios. Igual tenemos qu’habelo visto venir, Javier Fernández indicó’l camín perbién al gobiernu español. “L’asturianu nun ye prioridá pal gobiernu”, dixo.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies