Tres un alcuentru col gobiernu llocal, la PAH lo critica duramente

Miguel Ángel García, voceru de la Plataforma d’Afectaos pola Hipoteca d’Asturies, en rueda de prensa denunció al gobiernu llocal de Foro pola so actitú “reprochable” ante’l casu d’una muyer con dos fíos, de 10 y 16 años, con una orde de desahuciu d’una vivienda d’arriendu que se va executar el viniente día 21, pol impagu de tres meses d’arriendu.

Tamién esplicó que l’afectada tuvo qu’ingresar hasta en dos ocasiones nel centru d’atención integral a muyeres víctimes de violencia de xéneru “Casa Malva”, que solamente dexó de pagar tres meses d’arriendu y, anque solicitó al Ayuntamietu sofitu municipal pa encetar la delda, l’alministración llocal nun dio rempuesta.

This work is licensed under a Creative Commons Attribution 4.0 International License.