El 17 de setiembre van cumplise 125 años de la inauguración del teatru uvieín
La decisión de construyir el teatru, el Campoamor, por iniciativa de Leopoldo Alas ‘Clarín’, que propunxo’l nome al Conceyu, foi tomada en 1876, anque la materialización entá tardaría unos años. Foi en 1892 cuando’l teatru sería inauguráu con una representación de la ópera ‘Los Hugonotes’ de Meyerbeer. Esa foi la primer temporada d’ópera de la ciudá, anque’l teatru tuvo en toos estos años munchos otros usos. En 1915, el Consistoriu apostó por instalar un cinematógrafu, sustituyíu años más tarde por otru sonoru, pa rentabilizar les instalaciones. El cine siguió proxectándose ellí hasta la llegada de les sales modernes de cine. Pero con un parón de dellos años, ya que’l teatru amburó hasta los cimientos en 1934. Demientres la revolución d’ochobre foi quemáu poles fuercies gubernamentales pa protexer el cercanu conventu de Santa Clara, güei convertíu en sede de Facienda. El teatru quedaría amenorgáu a cenices, quedando namás en pie l’antigua fachada presidida por dos estatues de la Traxedia y la Comedia, güei perdíes. El teatru foi reinauguráu en 1948.
This work is licensed under a Creative Commons Attribution 4.0 International License.
