L’embaxador de Siria ante la ONU anuncia que’l so Gobiernu nun descarta una rempuesta militar

Nuna rueda de prensa celebrada esti xueves na ciudá suiza de Xinebra, Bashar Al-Yafari, l’embaxador de Siria ante la Organización de les Naciones Uníes (ONU), denunció que dende agostu l’exércitu de Turquía ta ocupando pasu ente pasu’l norte del so país, cola escusa enxamás materializada de combatir al grupu terrorista Estáu Islámicu.

Tamién informó sobre l’ésitu de les caberes operaciones militares de les fuercies del Gobiernu de Damascu contra l’Estáu Islámicu, nes cuales foi llograda la completa lliberación de la milenaria ciudá de Palmira.

Al-Yafari, que recientemente encabezó la delegación del so Gobiernu nes conversaciones de paz celebraes con estremaos sectores de la oposición siria, acusó al grupu autonomáu Altu Comité de Negociaciones, venceyáu al Gobiernu d’Arabia Saudí, de entorpecer el procesu de paz al negase a incluyir la llucha contra’l terrorismu na axenda d’alderique.

This work is licensed under a Creative Commons Attribution 4.0 International License.