Nos territorios de Donetsk y Lugansk fueron interveníes unes cuarenta empreses
Los gobernantes de les Repúbliques Populares de Donetsk y Lugansk, constituyíes en 2014, tres un referéndum d’autodetermín, como estaos independientes de Kiev, decidieron intervenir aquelles empreses alcontraes nel so territoriu que, magar de socesivos requerimientos, se negaben a rexistrase y a pagar impuestos. La midida supon el cumplimientu d’un ultimátum escosáu’l 28 de febreru.
Dalgunes d’estes empreses pertenecen a Rinat Ajmétov, l’home más ricu de l’antigua Ucrania, que na llista de fortunes de l’axencia Bloomberg figura nel puestu 483 mundial, con 3,66 mil millones de dólares de capital.
Pal Gobiernu de Kiev esta iniciativa supon na práctica la nacionalización de les fábriques, sicasí les autoridaes llocales prefieren falar d’un réxime especial de control esterior col fin de garantizar el so correctu funcionamientu.
This work is licensed under a Creative Commons Attribution 4.0 International License.
