• Portada
  • >
  • Mundiu
  • >
  • Los Pueblos Deciden posiciónase escontra’l CETA

Los Pueblos Deciden posiciónase escontra’l CETA

  • 20 Febreru, 2017

Les movilizaciones escontra’l tratáu asocediéronse demientres tola negociación, tantu dientro como fora de la Cámara del Parllamentu Européu.

La Xunión Europea vien de presllar con Canadá, un tratáu de llibre comerciu destináu a facilitar los intercambios económicos ente les potencies a unu y otru llau del Atlánticu. Les sigles con que se-y conoz respuenden al so nome n’inglés: Comprehensive Economic and Trade Agreement, CETA.

Josu Juaristi, diputáu européu de Los Pueblos Deciden (coalición a la que pertenez el partíu asturianu Andecha astur), desplica porque votó a la escontra d’esti tratáu “El CETA abre la puerte a una mayor lliberalización, va marcar el futuru de la industria dañando a les piqueñes y medianes empreses, dará puxu a l’agricultura intensivo y decidirá lo que vamos facer y cómo, o, meyor dicho, lo que nun vamos facer, na defensa del mediu ambiente y la llucha escontra’l cambiu climático. Ello ye, va decidir el nuesu futuru en munchos ámbetos y seutores na pior direición posible pa los intereses de la gran mayoría de la ciudadanía y, per ende, en porgüeyu de les grandes compañíes”.

Nes 1. 600 páxines d’esti tratáu recueyen alcuerdos ente los dos bloques con consecuencies direutes sobre’l comerciu, la democracia y la calidá de vida. Rescampla la restricción de la soberanía democrática y del marxe de maniobra política de gobiernos y parlamentos qu’esti alcuerdu supón y el beneficiu pa les multinacionales en desterciu de los trabayadores, minando los estándares de proteición del consumidor y el mediu ambiente, pon en riesgu los derechos llaborales y favorez la privatización de los servicios públicos.”

Calcúlase que, independientemente de los sos resultaos en términos macroeconómicos (que poco beneficien a la población) esti tratáu va traer la perda de 230.000 emplegos d’equí a 2023, la mayoría n’Europa, y va a puxar a la baxa los salarios.

Los Pueblos Deciden  participaron nes movilizaciones escontra’l CETA, tantu dientro como fora de la Cámara, dende un principiu

“Participemos na iniciativa escontra’l CETA xunto con millones de ciudadanos y ciudadanes europees, d’ehí que participáremos nes protestes de güei y llevaremos la so voz fasta’l plenu del Parllamentu Européu votando escontra l’alcuerdu ente la X.E y Canadá”

Tamién participaron nestes movilizaciones diputaos europeos del grupu d’ izquierda (GUE/NGL) representantes de  ALE/Verdes y delles diputaes de S&D. Pocu enantes de la votación formóse una cadena humana alrodiu l’hemiciclu y amosáronse camisetes con llemes escontra’l CETA nel plenu.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies