El procesu d’aprebación de la creación d’una minicentral nel conceyu de Ibias taba abiertu dende l’añu 2.013

La minicentral hidroeléutrica proxectada incluyiría entrambos saltos nos ríos Linae y Teixeira pa depués turbinizar l’agua y soltalo al riu Bustelín, afluente del Navia. Estes agua desaguarien nel banzáu de Salime, tres d’un saltu brutu másimu de 162 metros, con un tramu de 5000  metros de conducción forzao, de los que 3783 metros corresponderíen al ríu Linae y otros 1170 metros al riu Teixeira, col consiguiente dañu pa les correspondientes cuenques hidrográfiques.

L’alteración de los réximes fluviales al ser supeditaos a les necesidaes d’una minicentral xenera un importante impautu sobre la flora y la fauna.

Afortunadamente, ante la presión de los grupos ecoloxistes (como la CEA, que vien oponiéndose a ella desque entamó l’estudiu sobre l’impactu ambiental d’esta minicentral, el 2.013) y ante los datos evidentes del perxuiciu qu’esti proyeutu implicaría pa tola fastera, el Principáu decidió nun sumar esta a les yá abondoses istalaciones hidrollétriques que perxudiquen la Cuenca del Navia.

Sobre la zona entá entama l’amenaza d’otros proyectos igualmente esmolecedores, como’l del Gran Suarna nel ríu Navia y los de Suerio nel ríu Agüeria.

This work is licensed under a Creative Commons Attribution 4.0 International License.