Desendolcu Rural reparte 90.000 euros a asociaciones de ganaeros pal fomentu  les races autóctones pongan al día la xenealoxía del so ganao.

Dende la Conseyería d’Agricultura y Ganadería convocáronse subvenciones empobinaes al fomentu les races autóctones col envís fin de caltener la diversidá zooxenética del país y dar un mayor puxu al caltenimientu y conservación del so padrimoniu xenéticu.

Les aides, que cuenten con un fondu de 90.000 € a repartir pente tolos beneficiarios, nun  se conceden a esplotaciones ganaeres particulares, sinón a muerganizaciones o asociaciones de ganaeros ensin ánimu de llucru. Estes perres tarán destinaes a llevar llibros xenealóxicos y a facer prebes de calidá xenética del ganao.

Asturies tien reconoces seis races autóctones de ganao, incluyendo el gochu asturcelta, la pita pinta asturiana, la cabra bermeya, la vaca casina, l’asturcón y la oveya xalda, qu’ensin dubia constituin un padrimoniu d’una riqueza incalculable. En dalgunos casos, como’l de la cabra bermeya, l’abandonu de la ganadería y la introducción d’especies foriates, llevaron estes races al pelligru d’estinción; n’otros casos (la mayoría) llíbrense d’esti riesgu polos pelos, en bona midía gracies a les asociaciones y muerganizaciones de ganaeros concienciaos de la importancia de caltener esta biodiversidá.

This work is licensed under a Creative Commons Attribution 4.0 International License.