Güei, miércoles 29 d’abril va celebrase en Ciañu (Llar del Pensionista) la primer sesión d’unes xornaes dedicaes a la salú y al mediu ambiente, que van tener continuidá’l próximu miércoles 6 de mayu. Dambes convocatories van entamar a les 19:00 hores.

Programin de les Charres

Les xornaes, baxo’l títulu “Salú ambiental y activismu vecinal”, busquen abrir un espaciu de reflexón y alderique sobre la relación ente contaminación, salú y comunidá, con especial atención a la realidá del conceyu de Llangréu y, más concretamente, al distritu de Ciañu.

El programa inclúi la participación de profesionales del ámbitu sanitariu y científicu, asina como de persones venceyaes al activismu social y ambiental en distintos puntos d’Asturies. Dende la organización señalen que se trata d’una iniciativa que pretende “marcar un enantes y un depués” na concienciación sobre estos problemes nel territoriu.

La convocatoria ta impulsada pola Plataforma contra los vertíos tóxicos de Llangréu, que vien denunciando dende hai tiempu los efectos de la contaminación sobre la salú de la población y reclamando midíes más estrictes de control ambiental.

This work is licensed under a Creative Commons Attribution 4.0 International License.