La sidra d’Asturies col amparu de la Denominación d’Orixe Protexida (DOP) zarró l’exerciciu 2025 con cifres históriques, consolidando’l so xorrecimientu en volume de contraetiquetes y superficie inscrita. Asina se reflexó nel balance añal presentáu pel Conseyu Regulador, que confirma la bona evolución de la sidre asturiana como productu de calidá y pieza estratéxica pal sector primariu y la industria agroalimentaria d’Asturies.

Nel términu 2025 entregáronse 4.964.000 contraetiquetes, un 7,3 % más qu’en 2024, marcando un récor pa la DOP y rondando los cinco millones d’unidaes de sidre certificada. Estes cifras suponen tamién un aumentu del valor comercial perriba los 7 millones d’euros.

L’añu zarró con una creación estructural de territoriu y productores qu’enfortia el xorrecimientu de la DOP. A 31 d’avientu de 2025, la Sidra d’Asturies DOP suma 34 llagares, 395 cosecheros, 918 pomaraes y 1.168 hectárees inscrites, un incrementu del 20 % na superficie respecto al añu anterior.

Nel actu participó tamién la direutora xeneral de Desendolcu Rural ya Industries Agraries d, que destacó qu’estes cifras «nun asoceden por casualidá», señalando l’apuesta del Gobiernu asturianu pola promoción del productu y el sofitu al sector.

A nivel de consumu, un 95 % de les ventes de sidre natural tradicional realícense n’Asturies, mentres que’l 5 % restante distribúise a nivel estatal. El Conseyu Regulador afronta el nuevu exerciciu con optimismo, respaldáu pola calidá de les sidres certificaes y’l reconocimientu de la cultura sidrera asturiana como Patrimoniu Cultural Inmaterial de la Humanidá per parte de la UNESCO

This work is licensed under a Creative Commons Attribution 4.0 International License.