Cerca un centenar de persones concentráronse ayeri n’Avenida de la Libertá de Xixón promovíes pel Comité de Solidaridá d’Asturies por Rojava p’amosar la so solidaridá col pueblu kurdu y denunciar la escalada de violencies que ta careciendo na rexón de Rojava (Noreste de Siria). La movilización remarcó l’impetu d’igualda, d’autodeterminación y de defensa de los drechos humanos frente a les ofensives del gobiernu siriu y los grupos aliáos.
Concentración en Xixón
Les persones participantes amosaron pancartes y consignes nes que se denunciaba la situación de la población civil desplazada, se facíen llamamientos a la solidaridá internacional y se criticaba’l silenciu de la Xunión Europea ante la crisis actual. Amás, esixóse’l fin del apoyu militar a fuerces que reprimen a les minoríes y la apertura de corredores humanitarios que garanticen l’entrada d’ayuda a les persones más vulnerables de la rexón.
La concentración de Xixón entamó nun momentu de tensión n’Ecuador Próximu na que’l futuru d’AANES y la rexón de Rojava ta sentíu como una cuestión de solidaridá internacional y de defensa de la dignidá humana. L’activismu en Asturies busca que la so voz sume a la de millones de persones que reclamen un fin pacíficu al conflictu siriu y el respetu de los drechos del pueblu kurdu.
El conflictu en Siria, qu’entamare en 2011 como parte de la guerra civil, facilitó que les comunidaes kurdes de norte y l’este de Siria establecieren una administración autónoma conocida como Administración Autónoma del Norte y Este de Siria (AANES), o Rojava, que promovía proyectos de democracia participativa, igualda de xénero y convivencia intercultural. Durante años, les Fuerces Democrátiques Siries (SDF), con lideráu kurdu, xugaron un papel clave na derrota del ISIS/Daesh nes llocalidaes del noroeste siriu.
En xineru de 2026, cola cayida del gobiernu d’Assad y la sustitución pola xefatura de Ahmed al-Sharaa (con vinculaciones históriques a grupos yihadistes), el gobiernu siriu emprendió una ofensiva militar pa reintegrar pola fuerza los territorios autónomos de Rojava, desaniciando la autonomía que se formare después de más d’una década de guerra. Les tropes siries, con l’apoyu de milicies yihadistes y fuerces turques, entraron n’árees del noroeste, causaron una masacre n’Alepo y desplazaron masivamente a la población kurda.
Les negociaciones pa una transición política pacífica fracasaron y d’un feble “alto el fueu”, la violencia repuntó, con desplazamientu forzáu de miles de civiles y una grave crisis humanitaria. La situación actual ye d’amenaza pa supervivencia de la Administración Autónoma y la convivencia ente comunidaes del noroeste siriu, n’un escenariu onde’l silenciu y la falta d’intervención internacional son criticaos por activistes y organizaciones de drechos humanos.
Durante la concentración en Xixón, l’organización d’Asturieso que defender a Rojava ye defender principios de llibertá, igualdá y drechos fundamentales. L’oxetivu de la movilización foi denunciar la represión y reclamar a la comunidá internacional y al gobiernu español que reconozan les institucions y comunidaes kurdes na so llucha por una solución política xusta y respetuosa col so drechu a l’autodeterminación.
Llucía F. Marqués
This work is licensed under a Creative Commons Attribution 4.0 International License.
