El pròximu díi17 de òchobre, na sala Bola 8 Rock Club de Xixón, a les 20:30 hores, va celebrase un conciertu con doble envís: d’una parte, homenaxear a los héroes d’Òchobre del 34; de la otra, recaldar fondos pa la llucha de güei na figura de Les Seis de La Suiza
Pel conciertu van desfilar tres grupos musicales: Konorte hxc (d’Euskal Herria), Güestia hxc (de Llangréu) y Pesto sin Pasta (funk-rap-comedia d’Asturies). La combinación musical acompaña’l mensaxe: recordar’l pasáu revolucionariu d’Asturies d’Òchobre del 34; y al mesmo tiempu, comprometese con la llucha actual polos drechos laborales.
Les ganancies del eventu –la entrada ye de 5 euros– van destinarase dafechu a les compañeres de Les Seis de La Suiza, condergaes a penes de tres años y medio de prisión por actos de llucha sindical ente 2016 y 2017 na pastelería Pastelería La Suiza de Xixón.
Ye importante recalcar que, n’actualidá, los drechos sindicales y les llibertaes sociales tan siendo puestos n’entedichu. El casu de Las Seis de La Suiza exemplifica’l conflictu: movilizaciones qu’hai un par de décades taben asumies na llucha obrera, agora acaben en condergues de prisión “por coacciones graves y delitos contra l’administración de xusticia”, según la sentencia que tien dende va más de cien díes a estes sindicalistes preses.
La cita ye na sala Bola 8, Xixón, el martes 17 de òchobre, 20:30 h.
Nel Dos Santos
This work is licensed under a Creative Commons Attribution 4.0 International License.
