El Xixón Arena acoyó ayeri la XIV edición del Salón Sidra d’ Asturies, entamáu pol Conseyu Regulador de la DOP Sidra d’Asturies, cola participación de los 31 llagares acoyíos a esta marca da calidá
L’actu axuntó a cientos de persones venceyaes d’una un otra manera col sector sidreru, pa prebar les sidres acoyíes a la DOP Sidra de Asturies y conocer les premiaes comu les meyores.
Prado y Pedregal, del llagar La Morena consiguió primer puestu como Sidra Natural Tradicional, colo que se convierte na sidra representante de la DOP Sidra d’Asturies nun añu marcáu polos trunfos nesti llagar, que la so sidre foi reconocía tamién comu La Meyor Primer Sidre l’Añu. El segundu puestu nesta categoría foi pa Sidra Vigón ya’l terceru pa Sidra Cabueñes, mientres qu’Hermanos Martínez Sopeña vencieron nes categoríes de Sidra Natural Esplumosa, cola sidre Emilio Martínez y de Sidra Natural Filtrada, con Españar.
Tamién s’entregó un premiu al meyor Collecheru del Añu, que foi pa Jose Manuel Cuesta.
Mientres l’actu desvelóse tamién al embaxador de la Sidra d’Asturies 2025, l’esportista olímpicu Saúl Craviotto. Nel actu d’inauguración participaron el Presidente del Conseyu Regulador, Jorge García, el segundu teniente d’alcalde del Aytu Xixón, Jesús Martínez Salvador y la responsable del sector primariu de la Caxa Rural de Asturies, Mónica Fernández y Marcelino Marcos, conseyeru de Mediu Rural y Política Agraria, quien destacó la importancia de la sidra y del so reconocimientu pola Unesco como Padremuñu Universal de la Humanidá nel procesu de “recuperación de l’autoestima” de los asturianos.
Llucía F. M
This work is licensed under a Creative Commons Attribution 4.0 International License.
