Más de diez mil persones acudieron a cellebrar la XXV Preba de la Sidra de Gascona nuna xornada de sidre, sol y música
La folixa entamó esti añu de sábadu, cola primer Preba de Sidre Casero de Gascona, qu’aconceyó a ellaboradores de dellos conceyos asturianos qu’ufrieron al públicu la sidre fecho en so casa, siendo destacable la calidá de munchos de los palos presentaos. L’asociación que llevó el reconocimientu pola calidá de la so sidre foi la de Xixón, Culete Moyáu.
Na xornada del domingu abriéronse 17 puestos d’otros 17 llagares de los que podía prebase la sidre, previa compra del vasu oficial y pañoleta verdi, votándose’l favoritu nes urnes dimpuestes a tal fin, hasta les dos de la tardi. El bon tiempu y la fama d’esti eventu llevaron a más de diez mil persones a enllenar la Cai Gascona y alredores demientres les tres hores que duró l’eventu.
El xuráu de profesionales, compuestou por Maria José Hevia, Avelino Fuentes, Loreto García, Jackeline Marcano, Pablo Alvarez y Gigel Ciubotariu, decidieron premiar pola so calidá a les sidres de Vigón, en primer puestu, Cortina nel segunduy Llagar La Morena S.L. en terceru.
This work is licensed under a Creative Commons Attribution 4.0 International License.
