Andecha Astur reitera’l pidimientu de retirada de la escultura franquista del colexu de la inmaculada, una vegada refugada la so declaración como Bien d’Interés Cultural.

Tres el refugu del ‘Principado’ a la declaración de la escultura n’homenaxe a los ‘heroes del Simancas’ construyida na fachada del colexu de la Inmaculada de Xixón, al considerar los téunicos de Padremuñu Cultural que la pieza nun cumple los requisitos necesarios p’algamar esi grau de protección, Andecha Astur reiteró la necesidá de proceder de manera inmediata a la retirada del mesmu cola mayor premura en tantu vien siendo utilizáu nos postreros tiempos pa la realización d’exhibiciones facistes, y conforme a lo qu’establez la Llei de Memoria Histórica.

Andecha Astur, que yá denunciara énte fiscalía les postreres eshibiciones facistes, considera que ye un bon momentu pa esaniciar tolos símbolos franquistes qu’entá siguen presentes nel nuesu país, y que vienen siendo calteníos por estremaes corporaciones municipales del PSOE-IX, y el mesmu ‘Principado’ magar los más de 40 años de gobierno PSOE-IX.

This work is licensed under a Creative Commons Attribution 4.0 International License.