Les muyeres foron protagonistes, llevando los premios más importantes del festival piloñés
Nel 50 aniversariu del Festival de l’Ablana Hilda Blanco Fresno, de Los Cuetos (Piloña) llevó primer premiu na estaya de la Calidá de l’ablana ya Isolina Lobeto, d’El Pedrosu, algamó’l primer premiu nel separtáu Caltenimientu de los llantíos.
Al Festival nun acudieron namás ablaneros de Piloña, sinón que se desplazaron dende Casu, Ribeseya, Cangues, Amieva, Cantabria… Amás de los collecheros tornaron al Festival los artesanos y los puestos de productos agroalimentarios.
Los 65 collecheros esgotaron los 3500 kilos d’ablanes que se punxeron a la venta a siete euros el kilu (fasta 18 € el kilo d’ablanes turriaes y pelaes) dando una idega del potencial del seutor de l’ablana, poco esplotáu comercialmente n’Asturies. En dalgunos puestos vendiérense toles ablanes anantes de mediudíe.
Vitor Corte
This work is licensed under a Creative Commons Attribution 4.0 International License.
