Los prósimos 21 y 22 de Setiembre cellébrase nel mercáu de ganao de la Pola Sieru el XI Concursu Nacional del Gochu Asturcelta, que cuntará cola participación de 12 ganaderíes asturianes con más de 100 exemplares

Esti añu el Concursu Nacional de Gochu Asturcelta cuntará, comu novedá, cola presencia de dos exemplares de la raza autóctona de gochu gallegu “Porco Celta” que competirán colos asturianos nun duelu amistosu d’esibición de manexu. Fasta agora son cinco los ganaeros asturianos apuntaos pa la competición, pero la iscripción siguirá abierta dica’l mesmu domingu, díi de la competición. Pente los participantes cuéntase con José Manuel Gayo, vencedor de tres Mundiales.

Amás, l’abondosa participación -más de cien exemplares procedentes de 12 ganaderies asturianes- fae qu’esti añu s’amplie l’espaciu con una carpa más.

Les xornaes entamen el sábadu a les 9 la mañana, coles calificaciones pal Concursu Nacional y a les 18 h. entregaránse les Distinciones del Gochu, qu’esti añu recibirán  José Álvarez “Pola” y Alejandro Argamentería. Demientres los dos díis habrá tastia y venta de productos del Gochu Asturcelta de la man d’ASTURsabor y Macelo de Mieres.

El domingu cellebraráse’l Mundial de Manexu, de magar les doce’l mediu díi, y darréu el concursu esibición de Gochu Asturcelta vs. Porco Celta. Alrodiu les  14h, tendrá llugar la entrega de premios del Nacional nes sos estremaes estayes: Meyor berrón, meyor gocha, meyor llabascu, meyor llabasca, meyor gocha con gochinos y mejor rebañu, acordies les calificaciones algamaes na mañana del sábadu.

Vítor Corte