La carga policial d’anueche na capital asturiana desmonta la creencia popular de que tolos antidisturbios taben en Cataluña

La concentración xunitaria, cellebrada ayeri n’Uviéu “pola democracia, la paz y la convivencia” en refuga a l’actuación de les fuercies del estáu en Cataluña y a favor del drechu a decidir de los pueblos, finó con una carga policial ya enfrentamientos que se saldaron con dellos firíos seles pente los manifestantes.

La concentración enllenó la plaza de la Escandalera, onde senyeres y asturines compartieron espaciu pente conseñes democrátiques, independentistes y de refuga. A la fin de la mesma los participantes salieron en manifestación peles cais d’Uviéu, onde se desendolcaron los altercaos.

La primer marraza tuvo llugar cuando los manifestantes, tres de solicitar a la policía qu’interviniere pa retirar una bandera franquista precostitucional, intentaron descolgala ellos mesmos. La carga direuta, na que se dispararon pelotes de goma escontra los manifestantes, dióse na Plaza d’América. Un garapiellu de persones foron quien a impidir una detención enfrentándose a los axentes.

Redaición InfoAsturies

@LordoLordor me pasan este video de Oviedo que en teoría es de hoy pero no oigo las consignas, sabes alguna noticia al respecto? pic.twitter.com/l8usnZzu3g

— Jordi Tarrela (@billpuerta79) October 1, 2017

This work is licensed under a Creative Commons Attribution 4.0 International License.