Adoctrinamientu relixosu nes aules asturianes

  • 27/03/2026
Neños y neñes nuna procesión relixosa con hábitos y veles

Los pasos de selmana santa son tradición española importada pola ilesia a Asturies nes caberes décades ya impuesta machaconamente col sofitu de prensa, instituciones y entidaes relixoso/españolistaes; llevalos a los patios de los colexos ye dar un inadmisible pasu más nel adoctrinamientu

Lo asocedío estos díes nel colexu públicu de Villafría, n’Uviéu, con neños y neñes participando nuna procesión en plena xornada llectiva ye pa munchos coleutivos -incluyendo sindicatos d’ensiñantes y asociaciones de pas y mas-, a cencielles inadmisible.

Alredor de sesenta escolinos, vistíos de nazarenos y con capirotes que recuerden sospechosamente a los d’una conocida secta, portaron pasos relixosos dientro d’un centru públicu, con acompañamientu musical propiu de celebraciones confesionales. Too ello, amás, ensin una información clara a tola comunidá educativa y con duldes evidentes sobre’l so encaxe nel proyectu educativu del centru.

Son abondos los coleutivos, incluyendo sindicatos como SUATEA, partios políticos comu Andecha Astur y asociaciones comu Asturies Laica y delles AMPAS, qu’alzaron ya la voz al respeutu: la escuela pública nun puede nin debe ser un espaciu pa la promoción d’una confesión relixosa; nun Estáu aconfesional, la educación tien de ser llaica, basada nel conocimientu científicu, nel pensamientu críticu y na convivencia en diversidá. Amás, recordemos que se trata d’una tradición foriata, los pasos de Selmana Santa nun formen parte de la tradición cultural asturiana.

Esti adoctrinamientu xúnese, amás, a otres dinámques que tán entrando nes aules, como’l militarismu escolar, pa dirixir a la reciella nuna ideoloxía mui concreta y mui contraria al espíritu educador que debería rexir la escuela pública.

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies