Convocáu pol Sindicatu Vivienda d’Asturies ya’l Sindicatu de Inquilines ya Inquilinos d’Asturies, el manifestamientu pola vivienda aconceyó en Xixón a cientos de manifestantes

Baxo’l llema ‘Acabemos col negociu de la vivienda’, los participantes nel actu aconceyaron na Plaza l’Humedal pa entamar el so percorríu fasta la Plaza’l Marqués, con pancartes reclamando una Asturies pa vivir, la expropiación de los fondos utre, la baxada del preciu de los arriendos y la vivienda como drechu, reclamando la baxada darréu de los precios d’alquiler y la prohibición real de los desfiucios y corte de soministros. Tamién se pidieron midies pa recuperar les viviendes vacíes. 

El preciu de l’arriendu y de la vivienda de segunda man medró interañalmente un 13’2 ya un 11’7% respeutivamente. La ‘vivienda’ turística ye un de los problemes que lleva a esta falta de vivienda: namás pente Asturies y Uviéu hai cerca de 9.000 pisos turísticos. La compra de cases por parte d’inversores internacionales pa la especulación medró xabazmente nos dos caberos años, los propietarios con más de cinco residencies dobláronse na cabera década y 379 propietarios acomuñen más de cien viviendes caún. Entantu, la mocedá asturiana enfréntase a la imposibilidá de rentar una casa, siendo complicao inclusu arrendar un cuartu nun pisu compartíu.

Nel Dos Santos

This work is licensed under a Creative Commons Attribution 4.0 International License.